පෙර මග

ගල් පරවල රළ හැපි හැපි
සුදු පෙණ පිඩු නැගෙනවා
සිතිජ ඉෙම් සැදෑවළා
බොද සිතුවම් අදිනවා
අෑත රටින් එන නෞකා
දෑසට වද කරනවා
මූදු ගියපු මගෙ රන් කද
එන පෙර මග බලනවා
ළිහිණි රංචු අහස පුරා
සැදෑ සරඹ පානවා
චණ්ඩ මාරුතේ හැපෙනා
ඔරු කද හද මැවෙනවා
අන්ධකාර මග සරසා
කලු තිර පට එලනවා
මහිමි තවම මසුන් සමග
රණ්ඩු දබර කරනවා
සුසුමට සිර කරගත් ලැම
රැය හා ඉකි බිදිනවා
සෙනෙහස් සිතිවිලි මඩිමින්
දළ රළ පෙළ හැපෙනවා
බලාපොරොත්තුව අබියස
කාලය කුර ගානවා
තෙර නොපෙනෙන මහ සමුදුර
ජීවිත දැල ගිලිනවා